滿滿正能量的富豪雪糕

我想製作富豪雪糕嘅圖案。小時候，我最期待就係聽到熟悉嘅音樂旋律、遇到富豪雪糕車！🌈 我鍾意富豪雪糕、鍾意佢濃濃嘅奶油味，每次食到尾尾果陣時都會唔捨得放手。點知有一次食食下，我唔小心跌左落地。望到其他小朋友好開心咁食緊自己杯雪糕，我就忍唔住喊左出黎。雪糕車叔叔見到同我講：「男仔黎架嘛，你要堅強啲，唔好咁易喊，你唔喊叔叔請你食一杯！不過你記得要用兩隻手揸住食喎！」雖然呢杯雪糕對雪糕叔叔黎講可能只係一件微不足道既事，但係呢個「簡單舉動」唔單止安撫左我當時既情緒，仲令我感到好窩心，多謝雪糕叔叔將呢份簡單快樂傳比我！每次見到富豪雪糕都會令我諗起呢位正能量叔叔。🌈🌈🌈 #我想參加工作坊